مش تمثال (Mesh Temsal)
يمكن كلامك لسه مش مفهوم
وده أمر محبط بس مش هيدوم
امسك وتبّت في اللي نفسك فيه وثبت قلبك
واتعلم إنك لما تقع لازم تقوم
طول مانت مش تمثال
عافر يمين وشمال
ده إحنا في زمان صعب وملوش غير عِند واستقتال
شوف قيمة الموجود
واصرخ قول أنا موجود
ده الحلم قادر يشحنك ويوقفك مسنود
ممنوع تخاف أو تتهزم ممنوع
علشان مفيش للي ابتديته رجوع
طول ما اتكتبلك تحلم احلم وانت أولى بحلمك
واللي بيحلم لا يضعف ولا يعرف خضوع
