مبطّلناش احساس (Mabatalnash Ehsas)
كبرنا وعقلنا
مابقاش كلامهم يشغلنا
ولا بنهتم نعرف ناس بتهملنا
كبرنا وفهمنا
عرفنا إن الوجع أوقات
بيجي ويمشي بس عشان يعلّمنا
بطّلنا نقيس مقامتنا بعيون الناس
مش كل الناس بتشوف ولا كل الناس تتقاس
بطّلنا نحب زيادة مبطّلناش احساس
سيبنا اللي بيسيبنا
وبطّل بعده يتعبنا
بقينا مع اللي فاز بقلوبنا وكسبنا
كبرنا في عينينا
ودي الحاجة اللي تعنينا
بقينا ندوس على الأوجاع تعلّينا
