فرق كبير (Fark Kebir)
صباحكو فل يا رجالة
عطلت والإمتحان هيطير
أوصلكوا طيب
جدع وطيب
طب شدوا حيلكم وانشالله خير
دي مساعدتك تفرق كتير
من غير مناسبة كده بحبك
ومزاجي أنا أدلعك أهاديك
يا سيدي بختك
مين فينا قدك
حبيبي ليا أنا مين بعديك
دي كلمتك تفرق كتير
شوف إزاي حاجات بسيطة
تفرق إزاي ولو بسيطة
يمكن حاجة صغيرة تفرق عندهم أكتر
وقعت في الفخ يا ناصح
وعلينا بقا كل التظابيط
البدلة وصلت
والزفة جهزت
عقبالكوا بقا تلبسوا في الحيط
دي وقفتك تفرق كتير
آخر طبق مين كان عاوزه
من بدري وانتوا هنا واقفين
حلال عليك
تسلم عينيكي
بألف هنا ليكو يا حلوين
دي مجاملتك تفرق كتير
على بالي جيت قولت أما أسأل
إزيك انت واحشني كتير
يسلملي ذوقك
لازم أزورك
سؤالك أصله ده عندي كتير
دي مكالمتك تفرق كتير
أنا جيت أبارك وأهني
مولود جديد نور مبروك
قمر لمامته
طالع لخالته
اوعى يا واد تطلع لأبوك
دي مباركتك تفرق كتير
