فجأة افترقنا (Fag’aa Eftara’na)
فجأة افترقنا وفراقنا
سرقنا من حضن بعض
بعد اتفاقنا و وفاقنا
القرب اتغير لبعد
سافر نصيبي بحبيبي
وكأن مفيش بينا وعد
واللي أنا رتبته وبنيته
ماتهنتش بيه
قلبي اتلخبط في حساباته
متحير مش لاقي حل
مرمي في سجون ذكرياته
والوحدة احساس ممل
نفسي أقابله وأشوفه تاني
لو دقيقة على الأقل
كنت بحبه بجد حتى
بعيوبه اللي فيه
يا سنين واخداني وكمان واخداه
من بعده بعاني أكبر معاناه
حكاياته معايا أنا مانستهاش
والشوق جوايا ناره مابتهداش
من حال الدنيا الغريبة
مستعجب أصلها بتغر
مرة قريبة وحبيبة
وبعدين تسقي كاسات المر
مش عارف سر التركيبة
الخير أكتر ولا الشر
طب هي الايام الحلوة
بتجري بسرعه ليه
جايز أكون غلطان مش فاهم
أو جايز جداً اكون صح
جايز من كتر اللي بشوفه
وأنا بخرج من فرح لجرح
ويا عالم إيه تاني هيجرى
دلوقتي أو بكرا الصبح
وإزاي هتخلص من خوفي
وأتغلب عليه
