خليني أشوفك تاني (Khaleny Ashofak Tany)
الله يرضى عليك
خليني أشوفك تاني
مشتاق وعينيك وحشاني
وبفكر دايمًا فيك
وحياتك حِن عليا
سَلّم كدا صفي النية
دا أنا جاي مِسَلّم ليك
وصي قلبك شوية
منك خليني أقَرب
دا الحب حبيبي جنة
واسأل عنه اللي جرَّب
هيقولك نعمة غالية
معقول م النعمة تهرب
يا قمر ساكن في العالي
ع الحال دا بقالي ليالي
يا حبيبي الله يهديك
عمّال من الصبح أناديلك
طب أجيبلك واسطة وأجيلك
ولّا أعمل إيه يرضيك؟
