حيرت قلبي معاك (Hayart Albi Maak)
حيرت قلبي معاك .. وأنا بداري وخبي
قل لي أعمل إيه ويّاك .. ولا أعمل إيه ويّا قلبي
بدّي أشكيلك من نار حبي .. بدي أحكيلك علّي في قلبي
وقلّك ع اللّي سهّرني .. وقلّك ع اللّي بكّاني
وأصوّر لك ضنى روحي .. وعزّة نفسي مانعاني
يا قاسي بصّ في عينيّ .. وشوف إيه انكتب فيها
دي نظرة شوق وحنّية .. ودي دمعة بداريها
وده خيال بين الأكفان .. فضل معايا الليل كله
سهّرني بين فكر وأشجان .. وفاتلي جوا العين ظله
وبين شوقي وحرماني .. وحيرتي ويّا كتماني
بدّي أشكيلك من نار حبي .. بدّي أحكيلك ع اللّي في قلبي
وقلّك ع اللّي سهّرني .. وقلّك ع اللّي بكّاني
وأصوّر لك ضنى روحي .. وعزّة نفسي مانعاني
ياما ليالي أنا وخيالي .. أفضل أصبّر روحي بكلمة في يوم قلتهالي
وبات أفكر في اللي جرالك .. واللي جرالي
وأقول ما شفش الحيرة عليّ .. لمّا بسلّم
ولا شفش يوم الشوق في عينيّ .. راح يتكلّم
وأرجع وأسامحك تاني .. وأحنّلك وألقاني
بدّي أشكيلك من نار حبي .. بدّي أحكيلك ع اللّي في قلبي
وقلّك ع اللّي سهّرني .. وقلّك ع اللّي بكّاني
وأصوّر لك ضنى روحي .. وعزّة نفسي مانعاني
خاصمتك بيني وبين روحي .. وصالحتك وخاصمتك تاني
وأقول أ بعد يصعب على روحي .. تطاوعني ليزيد حرماني
حأفضل أحبك من غير ما قلّك .. إيه اللي حيّر أفكاري
لحدّ قلبك ما يوم يدلّك .. على هواي المتداري
ولمّا يرحمني قلبك .. ويبان لعيني هواك .. هواك .. هواك
وتنادي ع اللي انشغل بك .. وروحي تسمع نداك
أرضى أشكيلك من نار حبي .. وأبقى أحكيلك ع اللّي في قلبي
وقلّك ع اللّي سهّرني .. وقلّك ع اللّي بكّاني
وأقول يا قلب ليه تخبي .. وليه يا نفس مانعاني .. وليه يا نفس مانعاني
