Национальные гимны, патриотические песни — Acadian National Anthem [1884] - Ave, Maris Stella

Acadian National Anthem [1884] - Ave, Maris Stella

Ave, maris stella,
Dei mater alma,
atque semper virgo,
felix cœli porta.
 
Sumens illud «Ave»
Gabrielis ore,
funda nos in pace,
mutans Evæ nomen.
 
Solve vincla reis,
profer lumen cæcis,
mala nostra pelle,
bona cuncta posce.
 
Monstra te esse matrem,
sumat per te precem
qui pro nobis natus
tulit esse tuus.
 
Virgo singularis,
inter omnes mitis,
nos culpis solutos
mites fac et castos.
 
Vitam præsta puram,
iter para tutum,
ut videntes Jesum
semper collætemur.
 
Sit laus Deo Patri,
summo Christo decus,
Spiritui Sancto
honor, tribus unus.
Amen.