Che m'he mparato a fà
'E stelle d''a marina, chella sera,
pareva ce vulessero ncantà,
per ogni stella ca scenneva a mare
scriveva ncielo «Addio, felicità».
Tu che m'he mparato a fà?
Che «Kiss me» vene a dì
«Io te vurria vasà»?
Io, purtannote cu me,
che t'aggio ditto a fà:
«So' nnammurato 'e te».
Pecché, vasannome accussì,
tu m'he mparato a dì
sti cose forestiere?
Capri, Surriento e sta luna
se ne so' ghiute cu te.
Tu, sapenno 'e nun turnà,
che m'he mparato a fà
sti cose scanusciute?
Ammore, ched è 'a felicità,
che m'he mparato a fà?
Pecché, vasannome accussì,
tu m'he mparato a dì
sti cose scanusciute?
Ammore, ched è 'a felicità,
che m'he mparato a fà?
Che m'he mparato a fà?
