Vitti na crozza
Vitti na crozza supra nu cannuni,
fui curiusu e ci vosi spiari.
Idda m'arrispunnìu cu gran duluri:
murivi senza toccu di campani.
Si nni jeru, si nni jeru li mè anni,
si nni jeru, si nni jeru e un sacciu unni.
Ora ca sugnu vecchiu di ottant'anni
chiamu la vita e morti m' arrispunni.
Cunzàtimi, cunzàtimi stu lettu
ca di li vermi sugnu manciatu tuttu.
Si nun lu scuntu cca lu mè piccatu
lu scuntu all'autra vita a chiantu ruttu.
C'è nu giardinu ammezzu di lu mari
tuttu 'ntissutu di aranci e di ciuri,
tutti l'aceddi ci vannu a cantari,
puru i sireni ci fannu all'amuri.
