Sarpi Moleni
sarpi çkunis bulbulepek ibiran
mis var uzirun sarpi moxtan ziran
portukaliş limoniş pukirişi
şurapes doloxe goxtan do izğan
elamtepek mitam koçis uzitsams
hak bulbulik purkinoras ubirams
çai picis dostiberen zoğa cans
pukirepeş şuraten ar ixi bars
sarpi moleni sarpi moleni
purkinora skani şuras koçi dizğeni
kolektivis na var ixels miti diveni
komebaçvi he sarpuli kulanis
ma ar fara ia bziri do çais
mskvana muşi mukoti bomskvana ğirs
mendraleşen ma lazuri gemabirs
si ma domçvi e veraneş kulani
daçxuri ren uça tolepe-skani
si gziraşi mu mağoden var miçkin
mot memilas xe do kuçxes dermani
