دعوة فرح (Da3wet Farah)
جتلك هناك حسب الميعاد
جتلك عشان انهي البعاد
جتلك احدد حب عمري ايه مصيره
جتلك وسايب بين ايديكي خط سيره
جتلك عشان ابدا معاك من جديد
جتلك اعيش واحلم بعمر يكون سعيد
جيتي بالخطوة البطيئة
جيتي بالضحكة الرقيقة
جيتي زي ما قولتي جاية
وفمعادك بالدقيقة
انا لما شفتك قلبي طار من لهفتي
وجريت عليكي وشوقي سابق خطوتي
جبت السنين في شريط حزين متجمعة
وسكتي فجاة وعيني خايفة مدمعة
ولقيت ايديكي
في شنطتك ومطلعة
دعوة فرح
دعوة فرح
دعوة فرح
دعوة فرح وفيها اسمك جنب اسمه
بردت ايديا وضاع خيال حلمي اللي راسمه
الدهشة والخوف والالم سكنوا ملامحي
مبقيتش عارف الاقي صوتي والم جرحي
معقول معاد الفرح يتبدل الم
معقول سنين الحب يطويها الندم
طب جيتي ليه؟ وقصدك ايه من اللقى؟
جيتي عشان ترميني في حضن الشقى
مبروك عليكي الفرح وعليا الجراح
مش هو ده حلمك؟
خلاص امشي بقى
