المفروض (Elmafroud)
المفروض ان احنا الاتنين كان بينا
امانى وكانت بينا وعود
ان احنا الاتنين ياما قلنا
لا يمكن هتفرقنا حدود
ليه قلتلى عاشقك بجنون؟
ليه تخدعنى ليه بتخون؟
ليه بتحب مادام هتبيع؟
ليه نحلم والحلم يضيع؟
ليه تحلفلى وبتوعدنى؟
وتقربلى وتعودنى؟
وبترغمنى وبتقيدنى
بحب مالوهش اساس ووجود؟
ليه ليه ليه؟
ليه تخدعنى وليه توهمنى؟
وليه بتسبنى أعيش مخدوع؟
أملا حياتك حب وفرحة
وتملا حياتى جراح ودموع
عيشتنى فى الوهم سنين
رحلة حب وشوق وحنين
كانو عيونك ليه خاينين؟
كان قلبك وضميرك فين؟
ليه تحيينى و تموتنى؟
ليه بتبنينى وليه هدتنى؟
ليه شدتنى؟ وليه خلتنى
أمشى معاك فى طريق مسدود؟
ليه ليه ليه؟
ليه القلب الطيب دايما
يبقى جزاءه آلام وخداع؟
ليه الحب الصادق لازم
تبقى نهايته فراق ووداع؟
قللى عملت لقلبك ايه؟
انا ما ظلمتش تظلم ليه؟
ليه بتسبنى فى نار وعذاب؟
أرسم الف أمل كداب
ليه تكسرنى وبتهزمنى؟
وبتجرحنى وبتقسمنى
وبتجبرنى وبتلزمنى
أعاهدك وما توفيش بوعود؟
ليه ليه ليه؟
