ألبوم صور (Album Sowar)
انا عمرى فى لحظه يمر
و الذكريات البوم صور
فى الصوره دى ضحك القمر
لما اتقلبنا فى السفر
يا حبيبى شوفتك حزين
و فى كل عين ليه دمعتين
ع الصوره دي مرت سنين
ياريت نغير فى الصور
ليه م الصور انا برسمك
و يكلمونى و اكلمك
انا نفسى مره افهمك
الحب مش البوم صور
روحى معاك بتونسك
واحشنى نفسى المسك
و احضن ايديك و انا بحرسك
و نعيش سوا من غير صور
كان نفسى احلم معاك
لما اعيش وياك هناك
و انده عليك و احضن هواك
من غير ما ادور ع الصور
ياما قولت انا مش سعيد
و مفيش امل و لا يوم جديد
و انا هعمل ايه و انت بعيد
و العمر بيضيع فى الصور
