Yagonam o'zing
Uzun-uzun karvon yasab samoda,
uchib o‘tar qayga turnalar -
Ikkimizning sevgimizni joylashga
dunyo bag‘ri tor shunchalar.
Nelargadir bo‘ysundikmi bizlar ham,
taqdir bizni shu ko‘yga soldi,
Bu dunyoning azal-abad biri kam,
kami uchun sevgimiz oldi.
Yagonam o‘zing, yagonam o‘zing,
uzun-uzun o‘ylarim bag‘riga cho‘mdim,
Yagonam o‘zing, yagonam o‘zing,
ko‘rinadi ma`yusgina nigohing.
Sen mening bahorim, sen mening orim,
gullarga bezaysan, gullarga,
Sen kelsang dildagi shubha,
armonlar sochilib qoladi yo‘llarga.
Nelargadir bo‘ysundikmi bizlar ham,
taqdir bizni shu ko‘yga soldi,
Bu dunyoning azal-abad biri kam,
kami uchun sevgimiz oldi.
Yagonam o‘zing, yagonam o‘zing,
uzun-uzun o‘ylarim bag‘riga cho‘mdim,
Yagonam o‘zing, yagonam o‘zing,
ko‘rinadi ma`yusgina nigohing
